Turne një ditor në Prishtinë

 

 

Vizitoni Prishtinën

Pas mengjesit, marrim një makinë për të dalë jashtë Prishtinës, ku do të vizitojmë, Monumentin Beteja e Kosovës, dedikuar luftës së 1389 mes një force të Aleancës Ballkanike të udhëhequr nga princi serb Lazar kundër një ushtrie osmane të udhëhequr nga sulltan Murati I. Beteja ishte e ashpër dhe të dy udhëheqësit e ushtrive u vranë në betejë. Pastaj do të vazhdojmë më tej për të vizituar tyrben si dhe Varrin e Sulltan Muratit. Në Graçanicë pak kilometra nga Prishtina, do të vizitojmë një Kishë të mahnitshme ortodokse e themeluar nga mbreti serb Stefan Milutin në 1321, një triumf i arkitekturës bizantine dhe një pjesë e monumenteve mesjetare në Kosovë të mbrojtura nga UNESCO. Aty affër janë mbetjet e lashta të Ulpianës një qytet romak në provincën e Dardanisë, shtëpi e krye fisit ilir të Dardanisë, i njohur gjithashtu si Justiniana Secunda këtu janë zbuluar, dëshmi për të kaluarën e lashtë të Kosovës.

Pas këtyre vizitave do të kthehemi në Prishtinë ku do të ecin nëpër kryeqytet duke eksploruar atraksionet e saj kryesore, që përfshijnë: Sheshi Nënë Tereza, Bibloteka kombetare, monumenti i Skënderbeut (heroit kombëtar shqiptar), Kulla e Sahatit, ndërtesat e Qeverisë së Kosovës dhe New Born, monument i cili është duke u bërë simbol i këtij shteti të ri. Me interes të veçantë janë xhamitë të ndertuara në kohën osmane në Prishtinë ndoshta më të bukurat, duke filluar nga Xhamia Fatih që daton në 1461 gjatë epokës së artë të Sulltan Mehmeti II. Kupola e saj, tavani i madh, kubetë, e kurorëzojnë brendësinë e saj të pikturuar në mënyrë të shkëlqyer me stil Arabesque. Aty pranë është ndërtesa më e vjetër e Prishtinës, Xhamia e Çarshisë e përfunduar në 1389. Dhe në fund të turneut tonë ne do të vizitojmë Muzeun Etnografik që ndodhet në një shtëpi tipike me arkitekturë otomane, e pajisur bukur me objekte origjinale që dëshmojnë për traditat dhe mënyrën e jetesës së njerëzve në Kosovë.